Hér er ég, um mig, frá mér, til mín

 

Þar sem ég er nýbyrjuð að blogga langar mig að segja aðeins frá mér í stuttu máli. Ég er semsagt 27 ára nemi í FB á textíl-og Hannyrðabraut eða fatahönnun, Hef búið í Reykjavík, Hafnarfirði, Mosfellsbæ og Akranesi. Ég byrjaði í Langholtsskóla og var þar í 7 ár (86-93) en þá flutti ég á skagann og útskrifaðist úr 10 bekk í Brekkubæjarskóla 96. Fyrsta árið mitt í fjölbraut fór ég á slóðir Snorra Sturlusonar í Reykholti í Borgarfirði en þetta var árið 96-97.

Þessi tími var einn sá skemmtilegasti sem ég hef upplifað og synd að ekki skuli vera þarna skóli í dag. 

Eftir það var skólagangan frekar stopul og ég fann ekki minn veg fyrr en í vor þegar ég byrjaði á þessu sviði og er þetta mjög gaman. Ég hef unnið margvísleg störf undanfarin ár og má þar t.d. nefna ræstingar, umönnun, verslunarstörf, skemmtistöðum o.fl. Í dag er ég aftur á móti í endurhæfingu hjá Janusi endurhæfingu með skólanum í framhaldi aF þunglyndi og innlögn á Reykjalundi. Með skólanum og Janus er ég að vinna mig út úr þessu en eins og með allt annað tekur það tíma. Annars er allt í góðu og ekkert sérstakt um að vera.

Læt þetta duga í bili og segi: OVER AND OUT